المجموعة الرابعة من النكت

من طرف Omar EL Prince 2011-08-18, 16:16

سواق راح يحلق الحلاق بيساله : عايز شعرك ازاى؟؟؟ قاله: فى اى حته على جنب.
==#==*==&==#==*==&==#==*==&==#==*==&==#==

محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام.

==#==*==&==#==*==&==#==*==&==#==*==&==#==
*******
واحد بخيل راح يزور أمه فى المستشفى شاف على الباب مكتوب ادفع قال: خلاص ابقي ازورها لما تروح البيت.

==#==*==&==#==*==&==#==*==&==#==*==&==#==

واحد سنانه كلها طايرة ما عدا الانياب... قدم علي وظيفة عينوه خرامة

==#==*==&==#==*==&==#==*==&==#==*==&==#==

مرة واحد توأم شاف أخوه قال له: انت فين من الصبح يخرب شكلك أمي
خلتني أستحمى مرتين.

==#==*==&==#==*==&==#==*==&==#==*==&==#==

مره واحد مستعبط اتجوز وحده مستعبطه… خلفو عيال مستهبله… استعبط الاب وعمل نفسه ميت..استهبلو العيال ودفنوه.

واحدة مصرية ماشية في امريكا فواحد عاكسها فقالتلو: ((collect your self azarwise I will collect za street on you , your mother’s soul ))
الترجمة بالعربي : لم نفسك بدل ما ألم الشارع عليك يا روح أمك

==#==*==&==#==*==&==#==*==&==#==*==&==#==

مدرس انجليزي بيقول لطالب لو عايز تقول لواحد تعالا هنا بالانجليزي حتقولو إيه ؟ قالو حقوله : كام هير ، قالو طب لو عايز تقولو يرجع تاني حتقولو إيه ؟
قالو :
الف من الناحية التانية واقولو : كام هير .

==#==*==&==#==*==&==#==*==&==#==*==&==#==

حمار وحشي و حمار عادي كانوا بيتسابقوا اول ما بدء السباق الحمار الوحشي جري والعادي متحركشي سالوه مجرتش ليه قالهم و الله ما انا متحرك من مكاني الا لما تجيبولي ترينج زيه

==#==*==&==#==*==&==#==*==&==#==*==&==#==

مره مدرس بيسأل الطالبه بتعملو ايه لما بتروحو…؟
واحد قال انا بروح اتفرج على التليفزيون وانزل لاحمد بتاع الحشيش…والثانى قاله انا يروح العب كوره واروح لاحمد بتاع الحشيش
والثالث قاله انا بروح اصلى وافرأ قرأن واذاكر… فا المدرس فرح اوى وخده بالحضن وسأله انت اسمك ايه؟ قاله انا احمد بتاع الحشيش

==#==*==&==#==*==&==#==*==&==#==*==&==#==

و احدة رايحة تشترى بغبغان الراجل قالها دا بغبغان جامد ترفعى رجليه اليمين يقولل اغنية لتامر حسني ترفعى رجليه الشمال يغنى لعمرو دياب قالتله ولو رفعت رجليه الاتنين هيعمل ايه رد الغبغان وقال هقع ياروح امك

==#==*==&==#==*==&==#==*==&==#==*==&==#==

مرة واحد سافر لأمريكا ولما رجع اصحابه سألوه :ايه ايه الي لفت نظرك هناك,فقال:انا شوفت العجب في امريكا تخيلو العيل الي عندو تلات سنين بيتكلم انجليزي
==#==*==&==#==*==&==#==*==&==#==*==&==#==

احد بيقول لصاحبه: شايف الست اللى واقفة هناك دى؟بتضرب كل يوم جوزها بالجزمةقال له: وعرفت ازاي؟رد: أصلها مراتي